كنت امشي انا وصديقي في الصحراء … وفي اثناء سيرنا
اختصمنا .... فصفعته واهنته
فتألم صديقي لصفعي اياه … ولكنه لم يتكلم .....
بل كتب على الرمل ....
،، اليوم اعز اصدقائي صفعني علي وجهي ،،
وواصلنا المسير ووجدنا واحة بها بحيرة فقررنا أن نستحم فيها…
وفجأه وجدت صديقي يغرق ..... اثناء السباحه ....
فانقذته واخذته الي الشاطيء
ولما أفاق من الغرق …
نحت على الحجر …
،، اليوم أعز أصدقائي أنقذ حياتي ،،
فسألته : عندما صفعتك كتبت على الرمل ..!!!
لكن عندما انقذت حياتك من الغرق كتبت على الحجر..!!!
فلماذا ؟؟؟
فابتسم وأجاب: عندما يجرحنا الأصدقاء علينا أن تكتب ما حدث على الرمل …
لتمسحها رياح التسامح والغفران …
ولكن عندما يعمل الصديق شئ رائع
علينا ان ننحته على الصخر حتى يبقى في ذاكرة القلب حيث لا رياح
تمحوه....
فعلينا جميعا ان نتعلم الكتابة علي الرمل
بقلم ـــــــــــــ د : ابراهيم ابو المجد
bar2ash
هناك 77 تعليقًا:
من أجمل ماقرأت فى معانى الصداقة.
الصداقة دى شىء جميل جدا بس للأسف فى ناس إلى هما بيصاحبوا للمصالح بيشوهوا معانى الصداقة؟
دمت بود
كل سنة وإنتا طيب
تحياتى
سلام عليكم شكلى اول واحد يقرا الموضوع بس بصراحه عاجبنى جدا وفيه معانى كثيرة ياريت نفهمها بس لا يسعنى غير إنى أتذكرشعرالحريرى فى الاخوانيات :
سامح أخاك إذاخلط الاصابة منه بالغلط وتجاوز عن تعنيفه إن زاغ يوماأو قسط واحفظ صنيعك عنده شكرالصنيعه أم غمط
وأطعه إن عاصى وهن إن عز وادن إذاشحط
واقن الوفاءولو اخل بما اشترطت ومااشترط
واعلم بأنك لو طلبت مهذبارمت الشطط
من ذاالذى ما ساء قط ومن له الحسنى فقط
أو ما ترى المحبوب والمكروه لزاً فى نمط
كالشوك يبدو فى الغصون مع الجنى الملتقط
ولذاذة العمر الطويل يشوبها نغص الشمط
ولو انتقدت بنى الزمان وجد اكثرهم سقط
بس ياريت نعمل بيها . سلام يا برقش
,Yours
Dr:LORD
بجد جميل جدا الكلام إلى انت كتبه فعلاً التسامح شئ جميل والصفح شئ اجمل لو الناس كلها اتعلمت يعني ايه تسامح مكنش فى حد قتل حد ولا اتخانق مع حد ولا اشتكي حد ولا راح وشئ بيه لحد احنا لو حاولنا نفسر معني التسامح هنلاقي بيخرج منها حاجات كتير اهمها ان ربنا بيسامح يبقي احنا عباد الله لا نسامح اهنيك على اختيارك للموضوع الجميل ده وربنا يوفقك
mohamed ghalia
نورت المدونه وشرفتني باول تعليق
اتمني ربنا يصفي مابداخل كل النفوس
لان الصداقه بالمصالح مش صداقه
ونورتني تاني
وكل سنه وانت طيب
احلي لورد في العالم كله
مش هقدر اتكلم
بس اللي عايز يعرف يعني ايه صداقه من اللي انا كاتب عنها
ويعني ايه انتيم
يعرف الراجل ده
بجد اعز صديق واتمناله كل التووفيق
نورتني يا اعز اخ
في حب الله
كلام جميل بجد
المسامحه مطلوبه جدا
كمان الحجات الحلوه لازم نفتكرها
هي اللي بتخلي الصداقات تدوم
نورتيني يا نجمه
بس انا مش بعرف اسامح حد جرحنى حتى لو احب حد فى الدنيا ليا بس برده بفتكر الحلو جدا جدا جدا وبعترف بيه قبل الوحش او بيسكتنى عن الوحش
كوكتى
اعمل ايه فى نفسى؟
انت عارف ترد عليا ازاى
برقش
ازيك ياهيما عامل اية كل سنة وانت طيب ورمضان كريم ومعلش خيرها في غيرها تتعوض السنة اللي جاية باذن الله والعزومة تبقي كبيرة زي مانا عايزة الف مليون مبروك
اجمل معاني الصداقة هي التسامح علي راي المثل " حبيبك يبلعلك الزلط " وعلشان الصداقة الحقيقة تدوم لازم يكون فيها تسامح وكل طرف ميكنش شايل من التاني وقصة رائعه الواحد بيتعلم منها حاجات كتير وربنا يديم عليك محبة الناس وصداقتهم ويحبب خلقه فيك اللهم امين
خالص تحياتي
اختك الكبيرة ريمو
ازيك يا برقش
واحشانى مدونتك وواحشنى كلامك يا جميل
تسلم ايدك على البوست الجميييييييييييل
سلااااااااام
بلوج جميل
اول زياره لى
انا من المصنوره ايضا مثلى قوى من المثليين العرب
اتمنى تبادل الزيارات والتعليق
سانتظرك
تحياتى
اهلا صديقى العزيز
اسمح لى ان اضيف مدونتك فى مدوناتى المفضله
شكرا لك
تحياتى واتمنى ان تكتب بوستات جديده قريبا
تحياتى
السلام عليكم
ازيك يابرقش
انا من زمااان ماجيتش عندك زمانك نسيتنى اصلا
تعرف انا عارفه الحكايه دى
بس انهارده اخدت بالى من حكايه اننا لازم نتعلم نكتب على الرمل
صح ده هيخلينا نغفر دايما نستريح نريح
برافو
كل سنه وانت طيب ورمضان كريم
السلام عليكم
بجد جميل اوى منم اجمل ما قرات من القصص
بوست متميز يا اخى
تقبل مرورى
البوست فعلا من أروع ما قرأت
جزاك الله كل خير
فكر جميل
والتسامح ونسيان اخطاء الاصدقاء نعمه من عند ربنا
كل سنه وانت بألف خير
أخيرااا وبعد طول غياب دكتور برقش عبرنا ببوست جديد
بس فعلا كل تأخيرة وفهيا خيرة البوست أكتر من تحفة .. بجد
حلو أوى ومعناه جميـــل أوى ياريت كلنا نبقى كدا
وادينا بنحاول
بس مشكلة عمــرى بقى
ان ممكن اسامح بس بجد مابنساش
وبفتكر الجرح بأقرب جرح
بس بحاول أقلل الموضوع دا على الاخر والله
ربنا يستر
وشكــرا ع الموضوع يا دوك
وماتبقاش تغيب عننا كدا كتيــر
كل سنة وانت طيب يافندم
رمضااااان كريـــم
sister
MeMe
سلام عليكم
أنا جيت
والله يا برقش وما ليك عليا يمين أنا كنت مشغولة الأيام اللى فاتت دى كلها ومش كنت بروح أى مدونات خالص ولا حتى المدونة بتاعى كنت مش منتظمة فيها
بس الحمد لله دلوقتى على قد ما أقرد بحاول أعوض اللى ضيعته فى الفترة اللى فاتت
أما البوست ففكرنى بأغنية فيروز بتاعة (بكتب إسمك) نفس معانى الكتابة على الرمل والحجر
أنا عن نفسى مقضياها كتابة على الرمل .. مش بعرف أكتب على الحجر خالص وده بعيد عنك بسبب الزهايمر اللى عندى .. علشان كده كله بيبقى على الرمل
تحياتى
اخى الكريم برقش
حمدا لله على سلامتك ليه اتاخرت علينا
كل سنة وانت طيب
البوست رائع
الصديق اصبح عملة نادرة اذا وجدناها فلا بد ان نحافظ عليها
يارب يكون رمضان فرصة طيبة لينا كلنا لنتقرب من الله ونحاول ان نعيد معنى الاخوة والصداقة مرة اخرى
اسعدتنى زيارتك لى
تحياتى
السلام عليكم ورحمة الله وبركاته
الله جميلة المعانى والكلمات
حلوة اوى بصحيح
وفعلا يجب (ان نتعلم
الكتابة علي الرمل)
ولكن ليس لكل شىء !!!
لاساءة الصديق :مرة
ومرة ومرة إن كنت متسامحآ
ولكن إن تكررت فيجب الا ننسى
تحياتى لك ولمدونة احبهاجداولكن
مشاغل الحياة قد تشغلنا عنها فترة ولكن
لا انساهاااااااااااااااااااااها
ابدآآآآآآآآآآآآآآآآآآآآآآآآآآآآ
السلام عليكم
ازيك يابرقش كل سنة وانت بألف خير بمناسبة شهر رمضان الكريم ربنا يعيده علينا بالخير دايما
تحياتي
هما دول الاصحاب بجد
واللى بيتكب على الرمل بتمحيه الريح والهوا
كل سنه اونت طيب
برررررقش القمر
وحشتنى اوى خالص عامل اية معلش انا كنت مسافرة والله ورجعت بقيت بجرى على اخرى معلش سماح بقى
كل عام وانت بخير وبصحة
وكل اسرتك بخير يارب
ربنا يحقق كل آمالك ودعواتك
وصيامك وقيامك
آلقاك فى عالم الدوين
بعد رمضان ان شاء الله
رمضان كريم
رندا
أخى الكريم
كنت عايزة اقول
كل سنة وانت طيب
تحياتى
معانى صادقة ونصيحة غالية
ولكن لى ملحوظة:قد قرأت هذا الموضوع منذ سنوات على ايميلى
ليه كنت طول الفترة دى مانشرتوش ؟
برقش
كل سنة وانت طيب
بزمتك انا مطنشة يخونك السؤال اللى سالتة عليك كذا مرة البوست اللى فات مقدرش مسالش على اخواتى متقلش كدة تانى انا بقالى فترة فعلا مدخلتش المدونة بتاعتى حتى لظروف بس معلش بقة ورمضان كريم يا عثل
كل عام وانت بخير
كل عام وانت الى الله اقرب و على طاعته اقدر ..
رمضان كريم
اطيب امنياتى اخى الكريم
تحياتى
كوكتي
هو كده برج الاسد مبيسامحش حد
وكمان بيفتكر الحلو
جميله الصفه دي
ارد عليكي ازاي
ارد عليكي ازاي
اقولك اني عايزك تتأكدي ان مفيش حد بيحب حد وبيبقي متعمد يجرحه
ممكن يجرح غصب عنه
كلنا بشر
لكن لو حد بيحب حد وتعمد جرحه يبقي ميستاهلش الحب
ولو الجرح غصب عنه لازم هنسامحه ولو متعمد يجرح يبقي ميستاهلش حبنا
نورتي المدونه
سلميلي بقي علي عمتي واشوفك علي خير
احلي ريمو في العالم
طبعا انتي وجوجو وسمسم احسن ناس تكتب علي الرمل
انتو بجد بتجسدوا معني الصداقه
ربنا يخليكو لبعض
نورتيني
دراما كوين
والله المدونه اتنورت بيكي
وانتي كمان بجد
وحشتني تعليقاتك
نورتيني يا قمر
مثلي قوي
انا بجد مكنتش اعرف المعني من الاسم لكن لما عرفت حزنت جدا
اعترفلك اني انا من الناس اللي انت واللي زيك بيكرهوهم
انا ضد كونك كده
وبصفتي دكتور اقدر اقولك بالفم المليان انت تقدر تتعالج
لو كنت مسلم اعرف انك كده بتغضب ربك ودي جريمه بيتهزلها عرش الرحمن
ارجوك تراجع نفسك وتسيبك من الوهم اللي عايش فيه
انا لما علقت عندك كنت مش فاهم الاسم لكن لما عرفت جالي ذهول واتصدمت
ارجو كلامي يؤثر فيك
وتنصح الناس اللي عندك في المدونه
ربنا يهديكم
وبالطبع اتمني تمسح مدونتي من عندك
لاني بجد حزين ووجودها عندك شبهه ليا
الناس ممكن تفتكرني كده
معاذ الله
اتمني تكون فهمتني
سلام
حبيبة
من غير زعل بصراحه كنت نسيت
لكن ع العموم احنا فيها
نبدأ من جديد وتوعديني تنوريني دايما
وميرسي علي رأ]ك في البوست
نورتيني
ريمان
تسلمي يا احلي بنوته علي رأيك في البوست
ونورتيني
وتنوريني دايما
اسراء حامد
متشكر جدا علي رأ]ك
وبجد جزانا واياكي خير الجزاء
متحرميناش تاني من الزيارات دي يا اسراء
نورتيني
دوددا
معاكي حق فعلا
نسيان الخطاء شيء جميل بس محتاج قلب صافي عشان يقدر عليه
كمان نفس القلب هو بس اللي يقدر يفتكر الحلو
نورتيني
ميمي
احلي حاسوباتيه في العالم
حاضر ياست الكل انتي تؤمري
ان شاء الله مش هغيب تاني
وميرسي جدا علي رأيك في البوست
ولو عايزه نصيحه
خلي تذكرك للحلو ينسيكي الوحش
نورتيني
ميوشا
تصدقي الزهايمر بتاعك مفيد ههههه
نورتيني يا نجمه
ويارب يكون انشغالك خير
ويارب تكون الفكره بتاعت البوست عجبتك
نورتيني
جنه
مش عارف كل زياره ليكي بحسها مختلفه
وبحسها ليها طابع خاص
متشكر علي رأيك في البوست وفعلا معاكي حق
هو عمله نادره ولو اتوجد لابد من الحفاظ عليه
وفعلا رمضان فرصتنا عشان نقرب لبعض ولربنا اكتر
نورتيني
نورهاتي
الصديق لو جرح مره ومره ومره
ميستاهلش يكون صديق
ولا ايه
صديق يعني قلبه حاسس بيا يعني ميتعمدش يجرحني
ممكن اسمح لو مره او اتنين لانه غصب عنه
لكن لو كان متعمد يبقي ميستاهلنيش
نورتي
امل
وانتي بألف صحه وسلامه
وعقبال مليون سنه
وربنا يعيد عليكي رمضان وانتي بكل خير
نورتيني
ابي
وانتي طيبه وبألف خير وصحه
معاكي حق
والكتابه علي الرمل حلوه بجد
صدقيني
نورتيني
كل سنة وانت طيب بمناسبة رمضان
رندا
هتروحي فين
وليه بد رمضان
انا ما صدقت نورتيني
علي العموم كل سنه وانتي طيبه
وبعوده الايام
والسنه الجايه تزيدي ايمان ونور
نورتيني
موناليزا
منوراني دايما
هو بالفعل كان اتنشر
لكن ده كان في البدايات فسحبته وعدلته ونزلته تاني
نورتيني ودمتي موفقه
كل عام وانت بخير
تعرف كل مرة ادخل عندك واحب اعلق
تحصل حاجة من اول ما كتبت البوست
بس تعرف يا برقش لو فعلا الرمال
تمسح رياح التسامح والغفران
ما كان فى البشر حقد وظلم وحسد
كنت اول وحدة اتعلم الكتابة على
الرمال بوست رائع جدا
اتمنى لك كل النجاح والتوفيق فى حياتك
بنت النيل
بص علي فكرة اللي slide show bta3ak
مالوش حل
كل عام وأنتم بخير
كل عام وأنتم صائمون
كل عام وأنتم مصلون
كل عام وأنتم قائمون
كل عام وأنتم قانتون
كل عام وأنتم متصدقون
كل عام وأنتم مغفور لكم
السلام عليكم ورحمة الله وبركاته
يعنى انت موافقنى؟
إن تكرار الاساءة من
الصديق معناها انه مايستاهل
تحسبه من الاصدقاء؟
موافق على كلامى؟
مصطفي ريان
وانت بألأف صحه وعافيه وسلامه يا نجم
وكل رمضان وانت بخير
نورتني
اجمل برنسيسه
ازيك يابيري
يعني هو مينفعش استفزك عشان تزوريني مره واتنين
ع العموم بجد بيسعدني تواجدك عندي
وبتنوريني دايما
يارب تكون الظروف الي عندك خير
ةتعدي علي خير
نورتي يا قمر
روفي
وانتي طيبه وبألأف صحة وسلامه يارب
انتي فين من زمان
بجد وحشتني تعليقاتك
هستناكي كتير
نورتيني يا روفي
بنت النيل الجميله
صدقيني الكتابه ع الرمل حاجه جميله
والحمد لله فعلا علي نعمة النسيان
ولو عايزه تكوني كده هتكوني كده
وتنسي اي غلط من حد عزيز عليكي
نورتيني
شيري
ميرسي خالص جدا كتير اوي شويه كتييير علي رأيك في السلايد بتاعي
رغم انك بتجاملي لكن مجامله رقيقه من انسانه رقيقه
ويارب كل الدعوات الجميله دي ليكي زيها ياقمر
نورتيني
نورهاتي
مش عارف انا حاسس ان التعليق ده في تلميح لحاجه معينه تخصني
لكن بما اننا منعرفش بعض علي ارض الواقع
خليني اقول ان اي صديق يجرح عن عمد لا يصح تسميته بصديق
الاخطاء اللي قصدت غفرانها في البوست هي الاخطاء العفوية
وزي ماقلتلك
ازاي يكون بيحبني ويتعمد يأذيني
ده فقد شرط الصداقه عشان نبدأ نتكلم في الرمل والصخر
اتمني اكون وصلتلك
نورتي
انا من عشاق الكتابه على الرمل جدا
مش عارفة ليه
بس هو حب جوايا...
كل سنة وانت طيب
كنت مختفى فين؟؟
يارب يكون خير
سلاااام
السلام عليكم
ازيك يا برقش
ايوة انا ريمان اللى كنت صاحبه مدونه يوميات مظلومه
بس انا غيرتها وبقت ملائكيه
وكمان دى مدونه هاكونا مطاطا هتعجبك مووووووووت
اما جيلان هى لغت مدونتها
اتمنى زيارتك لهاكونا مطاطا
حبيب قلبي ابراهيم
يااااااة قصتك روعة وجميلة أوى عبر سطرين من الكتابة أوصلتنا إلى معني جميل وهو الصداقة ... انت فنان ودماغك كبيرة جداً بصراحة كنت اتمنى اكتبها انا ههههههههههههههههههههه
عجبتني اوى والله يا دكتور
رمضان كريم
واسف ع التأخير
ازيك يا عم برقش انا عارفه انى مقصره ف حقك والله بس كنت بمر بظروف كده
يعنى صعبه شويه
سامحنى بقى واكتبها عالرمل
السلام عليكم ورحمة الله وبركاته
لا والله يادكتور لا ولم اقصدك باى كلمة سوء او اتهام .نحن اصدقاء مدونات لايربطنا الا الاحترام المتبادل والصداقة الغالية والتى اعتز بها جدآ.
سلامى واحتراماتى
وكل لحظة وانت
بالف خير
بسم الله
السلام عليكم ورحمه الله
برقش ازيك وكل سنه وانتا طيب
انا جيلاان ياسيدي
الى مدوخاكم معاها
ادعيلي افضل ع حالى دهوت
لاني الحمد لله مبسوطه
رمضان كريم عليك وع كل المسلمين
نورت مدونه انقلااب
ههههه
تحياتى
جيلاان
السلام عليكم ورحمة الله وبركاته
بوست رائع ومعناه اروع
وما اجمل ان نكتب على الرمال
فالصداقة الحقيقية هى الصداقة التى
عنوانها التسامح والمحبة
فالصديق هو روحك التائهة بين البشر
ستظل تبحث عنه كثيرا
ولكن ان وجدته تمسك به
كل سنة وحضرتك طيب
أسأل الله الذي لن تطيب الدنيا إلا بذكره
ولن تطيب الآخرة إلا بعفوه
ولن تطيب الجنة إلا برؤيته
أن يديم ثباتك ويقوي إيمانك وصحتك
ويرفع قدرك ويشرح صدرك
ويسهل خطاك لدروب الجنة
وأن يجعلك من عتقائه من النار
ومبروك عليك شهر رمضان
مممممم والله قصة رائعة فعلا
بس انا عندى استفسار ازاى هى بقلمك ؟؟؟
يعنى حضرتك اللى كاتب القصة دى لانها قصة قديمة واتنشرت كتير اوى فى منتديات ومدونات وكمان قالوها لنا فى المدرسة زمان فاظن انها مش من تاليف حضرتك اما لو كانت كلماتك فعلا فبجد حضرتك مبدع ودام الله ابداعك ولو كانت مش من كلماتك فاتمنى انك مكتبش بقلم وتقول انك سمعتها او قرتها
واخيرا جزاك الله خير على البوست الرائع اللى بجد بيعلم كتير الكتابة على رمل
دعاء مواجهات
انامش مختفي ولا حاجه
انا موجود اهوه
مستني التعليقات بتاعتكم
وتنوروني دايما
نورتي يا احلي مواجهه
ريمان
انا رحت المدونه الجديده
بتاعت هاكونا مطاطا
بس اعتقد ان ملائكيه افضل
ده رأيي الخاص
هي دمها خفيف بس انا افضل ملائكيه
تحياتي ونورتي
حماده زيدان
حبيب قلبي
يانجم والله ماتغلي عليك
بس الحقيقه ان القصه نفسها كمضمون معروفه من زمان
لكن السيناريو ده بتاعي
ومش خساره فيك يا نجم
ونورتني
ولو عايزها الفهالك في ورقه
ههههه
شرفت يا نجم
بنت مصريه
مفيش حد بيقصر في حق اخوه
بس يارب الاول تعدي الظروف بتاعتك علي خير
وانا هستناكي
نورتيني يا قمر
نورهاتي
مصدقك طبعا يا نجمه
يا اعز اخت
بجد مش عارف اقولك ايه
لكن انا دلوقتي فرحان ان في توافق في الفكر
ويشرفني ده
تنوريني دايما
جيلان
من رحاله
الي الم وانسان بيحب بجد
الي انقلاب
يارب يثبتك علي الانقلاب
ونا ان شاء الله في اقرب وقت هضيفها للمفضله تاني
نورتيني
جويرية
متشكر جدا علي هذا المدح الرقيق
بجد ربنا يكرمك ويبارك فيكي
واتفق معاكي في كل كلمه
ربنا يرزقنا الصديق الصدوق
مجلة علي صوتك
نورتوني
وانتم بألأف صحه وعافيه
شرفتوني
نهر الحب
جزاك الله كل خير علي هذه الادعيه
واسأل اله الاجابه
نورتيني
ايمان ... حرية
شوفي ياستي
بيبقي في مسلمات من زمان زي مثلا مايكون في لحن ثابت ويتألف عليه كذا اغنيه
ده نفس الفكره
بمعني مثلا هي نفس فكرة اغنيه بتقول بكتب اسمك علي الحور العتيق وبتكتب اسمي علي رمل الطريق
كده يعني
بمعني اخر
ان صلب القصه هو من الموروثات القديمه
لكن السيناريو والاحداث
هو بقلمي
واحساسي اني فعلا عايز كل الناس تسامح وتفتكر الحجات الحلوه
وافتكرت المثل وكتب قلمي الكلام ده
لو في اي استفسار
تاني
ياريت تنوريني
واتمني تكوني وصلتي للي عايز اقوله
نورتي يا ايمان
وتحياتي ليكي
دكتور برقش
حبيب قلبي كل سنة وانت طيب
كل عام وانت بالف خير يارب
اعاد الله علينا وعلي الامة الاسلامية
بالخير واليمني والبركات اللهم امين
انا بعتذر عن تاخيري لظروف غصب عني
وبعدين مسحت المدونة ورجعت عملتها
انا اسف علي التاخير في الزيارة
اما البوست بتاعك زي ما عودتنا علي
المواضيع الجميلة الراقية
فالصداقة دلوقتي عملة نادرة جدا
الصديق الوفي او زي ما بنقول عندنا
في المحلة صاحب صاحبة
اول لما تختبرة او تحتاج لة في وقت الشدة
بيدوب ويتبخر كا الماء صدقني يادكتور انا
شخصيا لاا اؤمن بالصداقة اؤمن بالاخوة
لو عندي اصدقاء بخلصلهم واحبهم زي اخواتي
علشان كدا مش بعرف اكتب علي الرمل
من هواة الكتابة علي الحجر صديقي
افدية بروحي ودمي انام لة يمشي فوقي
وقت شدتة بس لو ما بدلنيش نفس الشي
بيقولوا اني حساس زيادة عن اللزوم
تسلم ايديك يا اخي وحبيبي
رمضان كريم
تحياتي
ياسر باشا
نورت بيتك ياعم
متبعدش عننا تاني
اتمني انك تنحت علي الحجر الحجات الحلوه
والوحش خليه ع الرمل
وحشتني يا صاحبي
الكتابة على الرمل !!!!!!!
في زمانا دة
يارب
يارب
يارب
نتعلم كلنا الكتابة على الرمل
برضه قصة جميلة
ما تغيبش علينا كتير
تحياتي
القصة جميلة بمعانيها اوي اجمل ما فيها اننا خرجنا منها بفضيلة التسامح
التسامح شيء جميل وعظيم والانسان المتسامح بطبعه بيحبه ربنا والناس
يارب كلنا نكون دايما متسامحين وننسى الجرح ونفتكر بس كل شيء كويس لان الدنيا لا تستحق الكراهية او الضغينه بين الاحباب
بالتوفيق
إرسال تعليق