تاج ........ الملكة مجداوية

(1) أذكر خمسة أحلام على الاقل ..تخص ماضيك وتحلم فيها بتغيير اشياء ..ماذا ستعدل وماذا ستترك؟؟

· اشوف مصر دوله اسلاميه بحق وكده مش هتحتاج تعديل

· اشوف كل الناس ملتزمه

· اشوف كل الناس بتقول سمعنا واطعنا

· اشوف جيل قادر علي تحمل المسئوليه

· اشوف الطيبه والسماحة اللي كانت موجوده زمان

(2) أذكر خمسة أحلام على الاقل ..تخص مستقبلك

· استقرار وسعاده وراحة بال

· زوجه صالحه

· ذرية صالحة

· رضي والديّ عليّ

· اموت والله راض عني

(3) أذكر شخصين على الأقل .متواجدين فى حياتك حاليا ..كنت تود وجودهم قبل الآن بزمن :

· احمد عبد الخالق : بداية معرفتي بيه كانت في الكلية وكنت اتمني اعرفه من وانا طفل بجد شخصيه من الناس اللي لما تشوفها تقول ماشاء الله وهو الاول علي الدفعه بتاعتنا كل السنين وعايز اقول حاجه (بيقولو عليا اني بالبلدي كده بكاش او بجامل في الكلام لكن اشهد الله اني بحب الانسان ده من قلبي ) ساعات هو لما اقوله كده يحسب اني بجامله لكن بجد هفضل اقول نفس الكلمه اني نفسي اشوف والده عشان بجد اشكره علي حسن التربيه وعلي انه اعطالنا الهديه دي .

· حسام الدين قدري : برضه عرفته في الجامعه لكن حسام بحس اني اعرفه من زمان اوي وبحس انه قريب ليا اوي وهو شخصيه مرحه وقت الهزار وراجل وقت الجد وكمان عقليه لا حدود لها وذكي جدا ماشاء الله وعلي فكره حسام كان العاشر علي الجمهورية في الثانويه وبجد من الشخصيات اللي اتمني اتواصل معاه بعد التعليم لانه انسان بجد ووقت ما تحتاجه تلاقيه .....

(4) أذكر شخصين على الأقل غير متواجدين فى حياتك حاليا كنت تود وجودهم الان او فى حياة اولادك مستقبلا

· الشخص الاول : هو اللي اتكلمت عنه في التاج الاول بتاع الهم البكر

· الشخص التاني : الخل الوفي ومعتقدش هيبقي موجود في حياتي ولا حياة اولادي