سلامتك .... يا دماغي

حجات ...
خنقاني اوي ...
مدايقاني اوي ...

حجات .... يارب .... صبرني عليها

يارب .... قدرني ع الحجات دي

أن افتح عيني في يوم على واقع مبحبوش

ولا لما أتمنى رجوع زمان جميل انتهي

ولا لما أفتكر انسان عزيز رحل بلا عوده

ولا لما أكتشف أن مفيش حد جنبي غيري

ولا لما اقف ادام المرايه معرفش نفسي

ولا لما احس بالظلم وكمان مش قادر انتصر لنفسي

ولا لما يكون جوايا احساس ان انا متسبب في ظلم انسان

ولا لما الاقي نفسي مع الوقت بدأت اتنازل عن احلامي واحد ورا التاني

ولا لما احس اني خسرت حجات كتير معتش ينفع ترجع تاني

ولا لما اقابل انسان كان في يوم من الايام حياتي والنهارده مش فاكرني

ولا لما اكون عارف ان حبيبي هيسيبي بعد فتره

ولا لما اضطر اغير مبادئي عشان اساير الحياه

ولا لما اتظاهر بحاجه مش جوايا عشان تفضل صورتي جميله

ولا لما اسلم بحراره علي ايد انا عارف اد ايه هي ملوثه

ولا لما ابتسم في وجه انسان اتمني ان ابصق في وجهه

ولا لما يجيلي شعور بالشك في كل الناس حتي نفسي

ولا لما انام واتمني اني مصحاش تاني

ولا لما اسأل نفسي اسأله معرفش اجاوب عليها

ولا .... ولا ... ولا

ولا ...

ولا ..... ايه

برقش